ចែករំលែកបទពិសោធន៍ និងចំណេះដឹង

ព្រះសីហនុ : នៅថ្ងៃទី ២៨ ខែ ឧសភា ឆ្នាំ២០១០ វេលាម៉ោង ១:១២ នាទី ក្រុមនិស្សិតរបស់សាលា ដុនបូស្កូ ខេត្តព្រះសីហនុ ផ្នែកទំនាក់ទំនង​សង្គមបានចុះ​ទៅដល់ ទូរទស្សន៏ បាយ័ន ដែលជាទូរទស្សន៏មានឈ្មោះល្បីនៅ​ប្រទេស​កម្ពូជាដើម្បីធ្វើកម្មសិក្សា។
លោក នូវអៀនរ៉ាន់ អគ្គនាយកបច្ចេកទេស បានប្រាប់ថា វិទ្យុបាយ័នបានចាប់​ផ្តើម​នៅ​ចន្លោះឆ្នាំ ១៩៩៦-១៩៩៧ ចំពោះការផ្សាយ​ទូរទស្សន៏នៅឆ្នាំ ១៩៩៨។ លោកបានបន្តទៀត​ថា ​​វិទ្យុនិងទូរទស្សន៏មានការបែងចែកពេលវេលា កម្មវិធី និង បុគ្គលិក យ៉ាងច្បាស់លាស់ ដែលទូរទស្សន៏មានកម្មវិធីដូចជា សារពត័មានយុវវ័យ ម្ហូបអាហារ កម្មវិធីប្រដាល់ កម្មវិធីអប់រំ កម្មវិធីយល់ដឹង ភាពយន្ត និងកម្មវិធីជាច្រើនទៀត។ ឯវិទ្យុវិញមានកម្មវិធីតិច​ជាងទូរទស្សន៏ប៉ុន្តែត្រូវការយកចិត្តទុកដាក់មើលការខុសត្រូវ​ដូច​ទូរទស្សន៏ដែរ។ កំលាំងការផ្សាយរបស់ស្ថានី​នេះមានចំនួន ១០ គីឡូវាត់។ នៅក្នុងស្ថានីរបស់​បាយ័មាន ស្ទ៊ីឌីយោ ធំៗ ចំនួនពីរ ដែលគេបង្កើតឡើងសំរាប់ថតជា​កម្មវិធីផ្សេងៗដើម្បីធ្វើការ​ចាក់ផ្សាយ។ នៅពីខាងក្រោយនៃស្ថានីមានឆាកសំរាប់ កម្មវិធីផ្សេងៗ ដូចជា ប្រដាល់ ប្រលងចំរៀង ជាដើម។ គាត់បានបន្ថែមទៀតថា ចំពោះការលេងតន្ត្រីស្រុក​ស្រែគឺមានការជួបឧបសគ្គជាច្រើន ដូចជា ការធ្វើដំណើរ មានភ្លៀង ការជាប់រវល់របស់តារាជាដើម តែក្រុមការងារ​របស់លោក​នៅតែ​ជំនះគ្រប់ឧបសគ្គដើម្បីចែក​ការមើលកំសាន្ត​ដោយឥតគិតថ្លៃ និងការចាក់ផ្ទាល់របស់ក្រុមលោក។ នៅទីនោះក៏មានបន្ទុបស្ទួឌីយោនៅក្នុងឡាន សំរាប់ងាយស្រួលក្នុងការ ធ្វើការចល័ត។ យើងអាចចូលមើលវេបសាយរបស់បាយ័នបានតាមរយះwww.bayonTV.com.kh ។
ក្រោយពេលបញ្ចប់កម្មសិក្សានៅទីនោះរួចមកក្រុមនិស្សិតទាំងអស់គ្នាបានវិលត្រលប់ខេត្តព្រះសីហនុវិញនូវ ថ្ងៃទី ២៨ ខែ ឧសភា ឆ្នាំ ២០១០។ ទោះបីផ្លូវមានសភាពឆ្ងាយយ៉ាងណាក៏ដោយ តែក្រុមនិស្សិតរបស់សាលាដុន បូស្កូ បានមកដល់ខេត្តព្រះសីហនុដោយសុវត្តិភាពនៅ ម៉ោង ៩: ០០យប់ ថ្ងៃទី ២៨ ខែ ឧសភា ឆ្នាំ២០១០។